Die gemeente Philadelphia is gestig op 13 Junie 1964 as ‘n suiwer studente- gemeente. Na die stigting is die huidige kerkgebou van ons gemeente, wat toe aan Pretoria-Oos behoort het, vir ‘n tyd lank saam het hulle gebruik, waarna die studente uitgewyk het na ‘n lesingsaal by die Universiteit. In die sewentiger jare het die kerkgebou die eiendom van Philadelphia geword.

Vroeëre predikante wat die gemeente alleen bedien het was:

• Dr J.I. deWet (1964-68)
• Dr G.M.M. Pelser (1968-72)
• Dr S.J. Botha (1972-75)
• Dr G.N.Bloem (1975-81)
• Ds R.J. Coertze (1982-83)

In 1984 is Dr Piet van Staden na die gemeente beroep en is ‘n tweede standplaas deur die Kerk goedgekeur. Predikante wat sedert 1984 saam met Dr Piet van Staden gewerk het was:

• Ds Wessel Swart
• Ds Tinus Riekert
• Ds Frikkie Viljoen
• Ds Debbie Lotter (deeltyds)

In 1995 word Ds Hannes van der Merwe na die gemeente beroep. Na sy vertrek word Ds Martin Slabbert en Mariaan Schutte (Basson) in 2002 is na die gemeente beroep en dr Piet het afgeskaal na ‘n deeltydse standplaas. In 2006 verlaat Ds Mariaan ons en word Dr Jonanda Groenewald beroep. Ná haar vertrek in 2008 beroep die gemeente Dr Sanrie de Beer. Ná Dr van Staden emeriteer aan die einde van 2010 is Ds Martin en Dr Sanrie tans die twee voltydse predikante.

Aanvanklik was Philadelphia ‘n suiwer studentegemeente met enkele permanente lidmate. Nadat die Algemene Kerkvergadering egter besluit het dat gemeentegrense nie meer rigied is nie, is al meer lidmate toegelaat om hier in te skakel. Om die rede het die gemeente die afgelope jare ‘n stewige groei beleef.

Die gemeente bestaan uit ongeveer 400 studente van UP. Die permanente deel van die gemeente bestaan uit ongeveer 300 lidmate wat feitlik van oral in Pretoria kom. Heelwat van hulle is jong mense wat Philadelphia as studente leer ken het, maar daar is ook baie lidmate wat vir ‘n tyd lank eredienste bygewoon het, wat tuis gevoel het en gevoel het om Philadelphia hulle geestelike tuiste te maak.